王智騫參演劇集《冰上火花》被指戲份不多　網民感不值

藝人王智騫(Martin)去年參演ViuTV偶像劇《I SWIM》成功突圍，近日再度參與運動題材劇集《冰上火花》，劇中飾演靚仔冰上曲棍球運動員JY的他，與MIRROR成員陳卓賢(Ian)、江𤒹生(AK)、楊樂文(Lokman)在冰上曲棍球場上一分勝負，令人引頸以待，可是劇集播出8集，Martin戲份仍然不多，有網民對此戥他不值。不過Martin坦言自己的戲份在後頭，他謂：「其實我對《冰上火花》抱好大期望，我並非戲份不多，而係集中喺劇集中後期，大家可以拭目以待！」

猶記得《I SWIM》中，Martin以爆肌身材成功吸睛，未知今次在新劇可會再派福利，他笑說：「係會嘅，今次身型會比《I SWIM》更大隻，因為知道要拍《冰上火花》，呢類運動有好多衝撞，所以事前要練大隻啲保護自己；其實除咗呢場之外，仲會有一場咀戲，相信呢場咀戲出嚟感覺會好震撼，亦係我拍電視劇第一次有嘅感情戲。」