森美鼻膜發炎個鼻愈來愈高似整容　好番立即冇咁靚仔

藝人森美今日（11日）作為康健大使出席活動，呼籲大家定期做健康檢查，表示自己的父母都有定期做身體檢查。森美分享以前自作聰明的經歷，他指有一次心痛，以為心臟有問題，去了專科醫生做檢查：「做咗一大輪檢查，最後發現個心冇事，但係我仍然有啲唔舒服，之後去咗家庭醫生做檢查，發現原來係胃酸倒流，最後嘥晒啲錢去做心臟檢查。」他又指上星期鼻膜發炎，發現鼻不但腫痛，而且鼻樑還愈來愈高和闊，笑言當時的自己像整容一樣：「之後我去睇醫生，食咗五日抗生素，揸咗藥膏，依家已經好咗，個鼻都回復原狀，即刻冇咁靚仔。」

談到保持身體的秘訣，森美指運動很重要：「我每日送咗個女返學，就去打波，打一個鐘，然後返電台，呢一年幾乎都冇停過，咁所以依家個人都瘦咗，同埋我會保持同人社交，因為年紀大，個人會開始古肅，然後就會唔同人傾偈，開始冇朋友，咁所以我會盡量見多啲人，同多啲人傾偈，我問過老人科權威，佢話多啲同人傾偈，患腦退化症嘅機會少啲。食嘢方面就一定係食少啲煎炸，少鹽，少油，少糖係必然。」