楊紫李現官宣再續4年情　「現女友」爆嚴重脫粉潮

內地流量花旦楊紫與小生李現2019年合作偶像劇《親愛的熱愛的》爆紅，二人同時升為一線大星，成為最受歡迎螢幕CP，更不時傳出緋聞。尋日（11日）官宣二人「二搭」古裝劇《國色芳華》，本以為為再續前緣繼續爆紅，點知因《國色芳華》係大女主劇，劇情圍繞女主發展，男主角淪為工具人，結果李現粉絲「現女友」強烈反對，更釀嚴重脫粉潮。

對比當年《親愛的，熱愛的》劇情偏多以男主為主線，精彩事業線劇集令李現收納大批「現女友」，粉絲唔想見到李現呢4年愈撈愈唔掂，早喺《國色芳華》傳出選角時，粉絲已經紛紛反對，結果李現最後都係決定接拍。李現2019年同王一博、肖戰成為當年最Top流量男星，不過過去4年佢運勢不佳，歷史劇《人生若如初見》遲遲唔過審、拍電影《三個字》、《中國刑警》又一直唔上映，作品積壓嚴重，粉絲擔心佢再同楊紫合作嘅新劇，會令佢淪為大茄喱啡，根本就唔自愛。