熊黛林晒幸福揭富貴生活　郭可頌曝光慳家真相

名模熊黛林（Lynn）同有米老公郭可頌婚後誕下雙胞胎女兒，上個月二人結婚七周年紀念，Lynn就晒出二人外出慶祝嘅靚相，撐枱腳食燭光晚餐，又寫道：「享受屬於我們兩個人的時光。」

相中兩人面貼面，又獲老公獻吻，雖然努力晒愛Sweet爆，不過網民竟然放錯重點，當中一張合照見到郭可頌將手機反轉放枱頭，發現原來郭可頌嘅電話型號竟然係幾年前舊款，依家型號最新版本都已經更新到15代，驚訝郭可頌即使係富二代身家逾億，都唔追求物質，低調又唔奢華嘅個性，獲網民一致大讚，打破有錢人一定豪花豪買嘅既定印象。