李施嬅拍劇壓力大搞到免疫系統出事　靠佘詩曼減壓

藝人李施嬅於無綫台慶劇《新聞女王》內與佘詩曼（阿佘）及馬國明鬥戲，今午（14日）出席宣傳活動時，她自爆開工時相當緊張，不停抽時間做功課及背劇本，結果搞到心理壓力很大：「今次真係喺阿佘身上學到好多嘢，令我以另一種角度去面對工作，開工時阿佘好認真、EQ又高，但一收工佢就放下，叫大家一齊去食飯同唱歌。」

她主動重提年前拍劇搞到患病：「其實今次拍攝期間我嘅甲狀同免疫系統指數都一度飆升，知道自己又開始緊張，仲試過突然瘦咗好多，惟有逼自己狂食，依家就好番晒，學到適當時放鬆。」

正忙劇集宣傳的她，下月要飛往美國與「胡說八道」好姐妹齊齊演出：「所以呢排都冇得休息，忙綵排及試衫等等，設計師幫我哋設計咗幾套衫，感覺好女團，我哋會露腿同腰。（不如真係考慮組女團啦。）唱吓玩吓就可以，亦的確希望可以去多啲地方演出，但我哋檔期真係好難夾，原本美國想做5場騷，朂後只做得2場咋。」