見Baby出事急帶走仔仔　黃曉明過窩心生日甜到漏

內地影帝黃曉明尋日（13日）46歲生日，本來可以開開心心過生日，但其前妻、女星Angelababy近月因為睇19禁騷，疑遭全網封殺，節目被foul、代言被撤、微博被禁言等全部齊晒，本身多數都係Baby湊二人結晶品「小海綿」，似乎依家就由黃曉明「接力」，尋日就分享帶埋寶貝仔同爺爺、嫲嫲三代同堂慶生嘅合照，幸福非常。

黃曉明留言：「回家過生日啦，蛋糕吃了一點兒，禮物收到了一盒糖果，甜到心窩的那種❤️ ​​」見佢佢Sweet住過生日，合照中攬到小海綿實一實，又搞笑地以「海綿寶寶」公仔為仔仔遮樣，仲收到阿仔送嘅大大份禮物，上面寫住「爸爸生日快樂」，網友都好好奇佢送咗啲咩畀爸爸。