炎明熹吸金能力驚人　懂得慳錢狂煲理財資訊

聲夢人氣王炎明熹（Gigi）近日為「中銀香港港珠澳半馬」宣傳，雖然Gigi年紀輕輕，但吸金能力驚人，自認是慳妹一名的她除了懂得慳錢，更經常留意不同信用卡優惠及理財資訊。講到跑步，她表示喜歡聽歌跑步減壓：「一來可以練氣，二來可以放鬆心情，忘記背後，向著標桿直跑。最近因為要應付入大學後第一次考試，所以好緊張，溫完書之後，我會聽歌跑步，紓緩一吓壓力，跑完步、出咗一身汗，就會有心力繼續溫習，特別容易入腦。我多數跑5k至10K，未跑過馬拉松，希望有朝一日可以挑戰半馬。」

不過，今次Gigi未能參加賽事，但她透露會隔空為偶像周潤發打氣，她說：「我知道佢會參加今次嘅馬拉松，一直好敬佩前輩做人處事嘅態度，尤其係佢對跑步嘅熱誠同堅持，的確值得我哋學習，祝福佢能夠得到佳績。我都也會努力練跑，希望將來可以喺馬拉松終點處同佢集郵，期待由前輩操刀嘅馬拉松Selfie！」