胡諾言爆周潤發綁鞋帶好講究：佢會研究外國選手跑姿

藝人胡諾言（胡仔）今日（19日）出戰21公里馬拉松賽事，跑步經驗豐富的他，由參加10公里賽開始，慢慢進階上21公里賽事，最後更成功挑戰42公里馬拉松，他表示平日會利用港珠澳大穚往返內地，今次可於橋上跑步非常難得：「我哋《流行都市》好多幕後同事都好跑得㗎，佢哋知到我跑就同我講好似發哥（周潤發）都會跑喎！包括我老婆（陳琪）都提我記得要同佢影相，哈哈！我諗唔太難見到發哥嘅，佢咁高大。」他笑言今次似來集郵多過跑步，亦表示曾跟過對方練跑，大讚對方很有規律，笑指自己在對方面前變得像小朋友般非常聽話：「係獲益良多嘅，記得嗰次同佢跑，佢第一時間就同我講話綁鞋帶都好講究㗎，佢會教我哋綁鞋帶嘅知識，佢好似普通人一樣冇架子，好Nice！」他大讚對方對跑步很專業，會找來外國選手的影片研究對方跑姿，或一些冷知識，之後又會與大家分享。

談到工作，他表示將會與太太夫妻檔，以大使身份為稍後舉行的花卉展拍攝影片：「我老婆都提醒我今日唔好整親，搵食緊要呀！」