台慶︱蔡思貝離罩疑露暈　大方回應：多謝關心

台慶紅地氈有另一風景，身為視后的蔡思貝靚靚谷胸上陣，不過遇上同台賣大包的劉佩玥（Moon）不只比下去，因為Moon的裙太大，思貝即變「禮儀小姐」幫她搞好裙襬，話時話，睇落又幾熟手！

蔡思貝谷出超強事業線，她受訪時坦言晚裝緊身到連廁所也不能去，提到她在社交網稱回來時座駕爆軚胎，她說：「當時好徬徨，因為要返嚟綵排，好在遇好好人的女拖車師傅，佢仲車咗我搭車同我傾偈，令我開心番。（平時好少爆胎？）唔係，成日爆胎，不過未試過着到咁行遇上爆軚胎。」

對於「離罩」及疑似露乳暈事件，她受訪時大方回應：「多謝關心，今日係做足正常措施嘅，安全方便係冇問題，（離罩）係可能件衫物料比較硬身，好難做到貼身效果啫，而我對自己嘅身體結構好清楚，一定唔會走光（露暈），可能係燈光陰影令大家有幻想啫。」