陳偉霆滑雪被巧遇　網友激讚：被演藝耽誤嘅滑雪天才

藝人陳偉霆（William）早年轉戰內地市場爆紅後，舉手投足都輕易掀起一股模仿熱潮，人氣高踞不下。而William除咗喺唱跳、演藝界表現亮眼，連單板滑雪都難佢唔倒，日前就有網友透露，喺滑雪期間巧遇男神William，並大讚William技術了得外，見到其他人滑雪跌低時仲會主動上前關心，認真親民。

事實上，向來對滑雪情有獨鍾嘅William，早前喺拍攝內地節目中，曾同中國著名單板滑雪運動員王雪梅比賽，僅比對方慢0.25秒嘅好成績，遠拋唔少業餘選手，可以話係比演藝事業耽誤嘅滑雪運動員。