黃子佼潛水102日終於蒲頭　孖老婆睇美術館

台灣主持人黃子佼自今年6月捲入#Metoo風波後，演藝事業全面停工，並自從上次出庭露面後，至今已潛水102日，動向備受外界關注。

而據台媒報道，黃子佼日前揸車陪老婆孟耿如及女兒「玉米」參觀台北美術館，一家人先係參觀展覽館後再到餐廳用餐，期間黃子佼亦有不時拎出手機影相；然而，除咗口罩後嘅黃子佼雖然蓄上落腮鬍，兼身形有啲發福，不過望落心情似乎唔錯。另外，向來對服裝打扮別有心得嘅黃子佼，今次同老婆去美術館嘅打扮同樣搶Fo，頭戴笑臉圖案嘅Cap，加上亮黃色嘅書包，顯眼程度連路人經過都忍唔住望多兩眼。