「籃球女神」方泳琳晒巨型鑽戒宣布結婚：等住你養我

「籃球女神」方泳琳（Jessie）係前香港女子籃球員，擁有甜美靚樣，加上形象健康，而轉戰娛圈，參與過不少電影同電視劇演出，經常喺社交網晒性感相派福利嘅佢，今日（20日）宣布封盤，同前甲一籃球員男友陳張敏結婚，佢大晒戴住巨型鑽戒同男友咀嘴相，並寫上「I said YES」，相當甜蜜！

佢留言：「雖然我已經知你會趁我哋影相嗰陣求婚，諗住都唔會好Surprise，但你求婚時所講嘅每一句話，都真係Surprise到令我淚流滿面，多謝你愛我，多謝你愛屋及烏，I love you 陳張敏。恭喜你，你將會成為一個身負重任嘅男人，等住你養。」一眾網民都紛紛送上祝福，不過唔少宅男就表示心碎囉！