星玄︱陳婉衡變「巨胸簡淑兒」　林泳淘流晒鼻血

今日係11月21日，農曆十月初九，宜祭祀、開市、交易，最旺生肖係馬，屬馬嘅人才思敏捷，可為事業發展帶來推動力。「36E咪神」陳婉衡就係屬馬，早排佢就着上細細件嘅黑色比堅尼，大騷螞蟻腰同強勁腹肌，而且佢紮起咗條辮，喺太陽底下瞇起眼睛嘅樣，竟然撞樣好姊妹簡淑兒，就連蘇韻姿都留言大叫OMG，而本身都係有料之人嘅林泳淘，就留言「我啲鼻血…止唔到」，身材Fit爆嘅陳婉衡，再加上甜美樣，肯定對事業有幫助啦。

今日幸運星係雙子座，各方面運勢都好好，可望迎來愉快嘅一日。天后容祖兒就係雙子座，原來今年係Joey入行第24個年頭，早排佢就同家人慶祝兼合照，除咗有個巨型七彩繽紛蛋糕，寫住Happy 24 anniversary，仲話有咩比同最愛嘅人，聚埋一齊更開心，嘻嘻哈哈咁就一晚，早排仲甫咗一張舊相，係佢同媽媽邊食飯邊敷面膜，但佢都諗唔明點解當時會咁做，認真搞笑，今日亦都會係愉快嘅一日。