蔡思貝唔使靠整容入選10大靚人：好榮幸！

藝人李日朗（Don)今日在銅鑼灣出席加盟美容公司儀式，並請來蔡思貝、周家蔚、楊玉梅等擔任嘉賓。Don由藝人變身成按摩美容師，早前更考獲小顏術教師資格，他指今次邀請思貝做嘉賓，因為對方是她第一個星級顧客，他說：「好多謝思貝，當時一齊拍緊《你好，我的大夫》，所以邀請佢整面，因為佢之後喺社交網分享，令到好多其藝人對我有信心。」思貝則笑說：「我都唔知點解夠膽將塊面交畀佢，自己因為滑水鼻樑撞歪咗，阿Don幫我整番正之後，連鼻敏感都減少咗。」問思貝會否整上癮去整容？她說：「好彩咁耐以嚟都未畀人咁話過，大家都見過我選港姐時候嘅素顏樣，同埋童年相都係咁。最近有朋友話畀我知，話我係入咗全港十大最靚女藝人，仲要排第8名，好榮幸。」她又覺得扮靚是長久戰要保持身心健康、多做運動，不能夠鬆懈。

Don講到最近與女友黃靜藍甩拖，他不願多談，自嘲不夠聰明，也不知道是否因為工作太忙而忽略女友，現在只能夠專心工作。