炎明熹講嘢慢錄音喪食螺絲　胡鴻鈞驚變中年大叔

炎明熹（Gigi）、胡鴻鈞（Hubert）及鄭丹瑞今日到電台出席廣播劇記者會，Gigi和Hubert都是第二次錄廣播劇，但二人坦言仍十分緊張，更自爆經常「食螺絲」，Hubert表示：「我同Gigi係分開錄，我錄之前特別聽番佢錄，因為我唔想相差太遠，驚自己有中年大叔嘅感覺。」

Hubert又大讚Gigi錄音時要講整句句子，所以把聲跟平時的聲線大不同，而Gigi則表示：「平時我講嘢會好慢，又會有停頓位，如果錄音時講太快就會食螺絲，所以工作人員都叫我慢慢講。」

至於Hubert則透露劇中有「BL」劇情，但他強調只是男閨蜜助他追求Gigi而出現的故事。另外，Gigi日前曾打入叱咤「我最喜愛的女歌手」7強，雖然已被out，但在明天截止前仍有望「翻生」，Gigi聞言表示會順其自然，又向着Hubert表示：「聽講你會投我神聖一票？」Hubert說：「我會叫晒啲親戚朋友投你神聖10票，呢啲選票一定有波動先刺激。」

此外，早前資深歌手曾路得公開點評Gigi唱歌技巧好， 她聞言開心表示：「知道呀，之前我喺學校唱聖詩都有唱佢版本嘅《同路人》，好榮幸得到佢讚賞，我仙繼續努力。」