盧瀚霆呂爵安再度合作　 你一言我一語默契十足

MIRROR成員盧瀚霆(Anson Lo)及呂爵安（Edan)於ViuTV劇集《社內相親》再次合作演戲，二人曾合作拍攝過不同劇集、電影，早已培養出一定的默契。被問到再次合作感受，他們一樣默契十足，先是你一言我一語，笑指「好悶」、「冇新意」，之後就齊齊轉認真mode。

Anson Lo表示今次與Edan的對戲過程十分順利，而且有任何意見都可以直接地向對方表達，Edan之後補充謂：「我哋兩個第一次有比較重戲份嘅角色就係拍《大叔的愛》，回想起當時大家都好驚青，而咁啱呢套劇同《社內相親》都係翻拍，相比之下就感受到大家嘅改變。以前我哋會不斷睇原版嘅每一場戲去研究點樣做，今次就會多咗嘗試用自己嘅方法去演繹。」Anson Lo聞言即附和：「大個仔喇哈哈！」