冼靖峰夠晒熱血　被韓國天王Rain點名力讚

65位超星練習生參與的偶像選秀節目《亞洲超星團》今晚（25日）首播，為隆重其事，將於北京、上海、廣東、香港、台北和東京舉行「亞洲超星團首映禮」，一眾超星練習生將與粉絲見面兼睇節目首播！首播內容乃一眾超星練習生第一次舞台考驗。

冼靖峰（Archie）、文佐匡、余宗遙（Dez）及兩位內地代表徐源坤和朱永強組成的「破殼組」，甫出場即玩A Cappella大晒靚聲，把全場氣氛拉高，以白色和粉紅色Tone戰衣上陣的五子跳唱韓團EXO的《節奏（Tempo）》，Archie、Dez賽前笑言當練習生的時長為零、對跳舞一竅不通，Archie說：「呢首歌係我第一次以男團身份去做唱跳表演，我同自己講點都得、要相信自己，咁就可以放手一搏！」

最終五子順利完成演出，Rain直指二人舞蹈方面仍需努力，但亦有點名讚冼靖峰：「你的聲音特別好聽。」導師C君也力讚Archie：「我覺得最難得係Archie，以我認識嘅佢，簡直可以用弱不禁風4個字形容，平時篤吓佢都會跌低，但今日我覺得佢係攞咗120%嘅努力出嚟，相當熱血。」