周嘉洛重返《愛．回家》　「送水輝」許家傑想佢搞三角戀

藝人許家傑、鞏姿希、關浩揚及黃瀅仴今日（28日）出席舞蹈比賽宣傳活動，身為拉丁舞高手的「送水輝」許家傑，透露已有4、5年沒有跳舞，而近日則積極為馬拉松練跑步，他說：「我報咗半馬拉松，所以近排成日練跑，但都好嚮往跳舞嘅感覺。」

許家傑又透露曾教藝人邵珮詩和趙希洛跳拉丁舞，奈何各人工作繁忙，故只教了兩堂便沒有再教。問他可會參加拉丁舞賽事？他說：「冇啦，年紀同時間都唔許可，不過都有機會嘅，等工作冇咁忙就會再跳。」

提到「金城安」周嘉洛重返《愛．回家之開心速遞》，網民集氣想看他和「Bonnie」林凱恩復合，他表示：「真係唔知，不過金城安好百搭，又乖巧又搞笑，同佢合作好開心，其實佢同『蔥頭』發展得好地地，或者寫吓啲三角戀。」

提到台慶頒獎禮，他表示睇好「風少」陳浚霆有機會攞「飛躍進步男藝員」獎，他說：「無論佢做《愛．回家》或者綜藝，佢都有好明顯嘅進步，做得唔錯，所以睇好佢。」