吳肇軒楊偲泳演鬥氣冤家 　被潑咖啡一身都係

女星楊偲泳(Renci)與吳肇軒合演的Viu原創劇《轉角浣紗街》，講述飾演老闆娘的Renci在咖啡店首創配對服務為客人牽紅線，而飾演「分手大師」的吳肇軒卻在店內經營「代理分手」生意，二人由歡喜冤家變成最終伴侶，Renci笑說：「6年前同吳肇軒合作過，佢成日都做啲迷戀我嘅角色，冇辦法，我唯有接受。今次佢成日去我間舖度捕我，不過我哋係鬥氣冤家，反而劇中楊天宇先係迷戀我。」

談到現場拍攝氣氛，Renci直言非常開心，因現場不僅有冷氣，而且充斥陣陣濃烈的咖啡味，令人有精神幸福感覺：「本身鍾意飲咖啡，一日可以飲3、4杯，所以好神奇，拍攝環境有咖啡香味，特別精神，大家都感覺好幸福，就算唔使埋位，都鍾意留喺cafe度。」而吳肇軒於劇中不時被人潑咖啡或掌摑，他笑言絕對是「小兒科」，他說：「有一場戲，講Renci喺幻想中用咖啡潑我，拍呢場戲之前，佢練習好耐，話要點樣潑我先令我最甘，結果拍嘅時候潑歪咗，淨係潑到我個身，所以佢真係學嘢喇，善良係會得到最後勝利！」