鄧伊婷重酬尋電話　衞星定位「現身」洪水橋

智能電話日趨普及，皆因其功能甚廣，無論消閒娛樂，甚至工作上都可經由電話處理，很多人已習慣機不離身，打卡影靚相後即時上載社交網和大家分享，十分方便。女神鄧伊婷亦不例外，平日會於社交網晒靚相與粉絲分享生活日常，她日前更新動態，不過今次就並非「派福利」，而係上載一張螢幕截圖，顯示經衞星定位的智能電話正身處洪水橋一帶，她寫道：「琴晩唔見咗電話，依家電話在元朗，重酬你畀番我啦。」原來她不幸遺失電話，雖然出重酬但經過一整日仍未有消息，認真慘慘，今時今日唔見電話分分鐘比唔見銀包更令人「籮籮攣」，伊婷當刻心情可想而知，不過雖然煩惱，但幸好有姪女氹番，她晚上再更新動態，上載精靈姪女的唱歌片段，她留言大讚姪女：「姪女唱歌仔真係好得意，令我心情好番啲。」