雨僑一拖二去秋季旅行　憶舊年大肚跑斜路攰到手震

藝人雨僑可謂廿四孝媽咪，近日她帶同細仔參加大女的學校秋季旅行，她將相片放上社交網，並寫道：「終於喺無眼淚同抱到抽筋嘅情況下去咗個秋季旅行，只係熱到有過黑面嘅瞬間，但係阿媽有帶備夏季校服。」她回想去年佗着BB參加女兒學校旅行的慘況，簡直苦不堪言：「記得舊年全程爆喊，我佗住六個月嘅凡凡，負重幾十磅烈日當空瘋狂跑斜路（動植物公園），返到屋企對手震到我飯都食唔到，仲爭啲想買個胎心機聽下肚入嘅凡凡咩情況。」雨僑感恩一年之後的今天姊弟二人可以一齊開開心心去玩，自言作為媽咪真的好感動。網民都話完全可以感受到母愛的偉大，又話睇相後發現女兒是高冷女神，兒子則是開心仔，每張相都笑容滿面。