潘瑋柏峇里補辦婚禮唔畀賓客甫相　甜蜜婚照曝光

台灣小天王潘瑋柏同「中國最美空姐」宣云（Luna）結婚3年，有傳今日（29日）二人於印尼峇里島舉行婚禮，不僅包下地點隱密嘅Alila Villas Uluwatu六星級酒店，仲嚴禁賓客甫相上網，符合佢一貫低調作風。雖然至今佢同工作室都仲未回應補辦婚禮消息，但佢嘅社交網IP就顯示佢正身在印尼，洩漏行蹤，間接證實補擺酒消息。

有營銷號帳號就拎番日前佢同Luna難得被影到機場同行嘅畫面，近乎零合照嘅二人，當時行到隔開5個身位，潘瑋柏仲被批評唔幫老婆推行李箱，如今全天下都知佢搞婚禮，破夫妻唔熟嘅傳聞，而潘瑋柏啱啱舉辦完南京演唱會，下月將喺深圳、長沙開唱，有粉絲已留言祝福「希望我潘能永遠幸福，南京演唱會就是我隨的份子錢（結婚人情）」笑言當買門票嘅錢係利是，算係參與咗偶像喜事。