郭富城對住阿女冧滋滋　網民晒片證係寵女狂魔

天王郭富城周日（26日）同太太方媛帶埋兩個賓貝女入馬場支持愛駒「舞林密碼」，一行四人幾咁溫馨，亦吸引大批入場人士圍觀，見證一家人嘅Sweet爆時刻。有網民就甫出當日見到佢哋嘅場面，只見城城好照顧方媛同囡囡，除主動伸手同老婆十指緊扣外，身為「寵女狂魔」嘅佢，畀細女黐到實，阿女邊行邊撲向爸爸扭抱抱，城城就二話不說即時抱起個女，簡直就係廿四孝爸爸，足見佢平日都錫到兩個女燶，父女感夠Close。

另外，方媛個鼻意外成為網民焦點，因鼻樑高挺、鼻頭偏圓，有網民就大讚係福氣象徵，但亦有人眼紅大嗌奇怪。