陳卓賢Anson Lo呂爵安亮相活動　倪晨曦中門大開搶鏡

人氣男團MIRROR成員呂爵安、盧瀚霆及陳卓賢(Ian)，今晚出席著名品牌的時裝騷活動，同場還有內地男神朱一龍、王鶴棣、龔俊等、男團Stray Kids成員Felix等人，星光熠熠。原本謝霆鋒都是嘉賓之一，但他則病倒而缺席。現場，倪晨曦盛裝打扮亮相，中門大開現身相當省鏡。

MIRROR三子Anson Lo、Edan及Ian現身時裝騷，三人受訪時，Edan透露現場見到韓國男團Stray Kids成員Felix，一直有留意對方的作品，見到真人十分開心，而Ian見到粉絲為他的海陸應援，大感驚喜及開心。提到Anson Lo與Edan主演的《社內相親》播出，Anson表示：「我每集都有睇，普遍評語幾好，大家睇開心我就開心。」Edan指見到評語比預期好：「話好鍾意睇同好有趣，所以我都好開心。（有冇唔好嘅留言？）一定有人話唔好，見仁見智，焦點唔喺我哋度，始終係翻拍韓劇，但有香港特色，睇到製作好好，好開心。」

另外，講到張敬軒為叱咤男歌手拉票，Anson稱暫時未收到公司通知去拉票，Ian自言不會去拉票，問Edan會否去助選？他笑言：「我唔出聲好啲。（你會投Anson定Ian？）我想投自己，講笑，睇吓邊個冧掂我。」Ian自嘲不及張敬軒有創意，需要學習：「可能我要擺街站教人打排球。（手仔掂手仔﹖）點會手仔掂波。」Anson笑謂自己可以擺街站教跳舞：「投票交畀觀眾，每個人有唔同方式，有選擇自由，鍾意邊個就投邊個。」提到Edan考得車牌，問他是否已做車主？他說：「我考牌第二日已買車，係二手車，車型號唔講，冇Jer架車咁貴。車過家人、隊友同花姐。」

而吳家忻造型亦相當創新，成為焦點。另外，內地頂流男星王鶴棣架上墨鏡型格現身。而龔俊出發前搭小輪拍照留念。白敬亭現身時粉絲尖叫，場面十分虛冚。張敬軒全新造形令人前一亮。

而MIRROR成員呂爵安、盧瀚霆及陳卓賢(Ian)的粉絲為了一睹偶像風采，早已到場霸頭位，數百鏡粉齊集香港藝術館和太空館的公眾空地，不停舉着燈牌叫喊，氣勢十足，而Ian的粉絲更出動粉絲船支持他，Ian都即時於社交平台PO出感謝他們。