Anson Lo與Hanna親熱急操肌　Edan錫沈殷怡不尷尬

由MIRROR成員Anson Lo與Edan主演的ViuTV劇《社內相親》播出後備受關注，Anson Lo與陳漢娜、Edan與沈殷怡（Shirley）兩對CP的感情逐漸升溫，最令觀眾期待的親熱戲份將於下周上演。兩位男主角為了拍攝相關場口，事前都有刻意戒口及操肌，務求以最弗身形示人，力求完美的Anson Lo透露最擔心自己在鏡頭前未夠大隻：「做開健身嘅人都知道，肌肉膨脹得快又收縮得快，所以停機期間都要爭取時間拉吓橡筋，谷一谷啲肌肉。我仲好仔細咁問攝影哥哥啲近鏡會唔會影到手臂，如果會就再谷行少少！」

至於Edan劇中與Shirley有不少親熱戲份，其中一場更講述二人酒後在房間激吻，畫面讓人臉紅心跳。談到拍攝感受，Edan笑言：「本身拍呢一幕之前都同Shirley錫過幾次，所以都唔會覺得好尷尬，不過就有啲緊張，因為今次比之前幾次多咗啲走位，其中要邊錫邊轉圈先係最難，好彩呢場戲主要係呈現一啲酒後嘅零碎畫面，唔自然嘅位都可以剪走！」