被質疑隆胸！林襄現場邀驗貨　晒大尺度半裸照證真波

台灣啦啦隊女神林襄出名樣靚身材正，擁有32E驕人上圍嘅佢，自從爆紅後就備受網民關注，樣貌及身材都經常被議論。日前佢喺出席活動時，被問到有網民將佢10年前嘅舊照同依家做對比，質疑佢有整容及隆胸嫌疑。對此佢表示自己有戴牙套矯正牙齒，並展露甜笑：「我的笑容很貴」，至於隆胸佢強調自己係天生，並揚言自己有做嘅話都會講，唔會隱藏，為咗證明自己，佢仲現場要求女記者上手驗貨，之後記者直言佢嘅胸部觸感Q彈。

相當在意網民質疑自己隆胸嘅林襄，之後又喺社交網分享一張半裸照，只見佢一頭橘紅色超長頭髮，上身全裸，僅用長髮遮住重要部位，雙峰形狀一覽無遺，渾圓側胸若隱若現，非常養眼，令網民大飽眼福，紛紛留言大讚：「好性感」、「感覺可以演娜美」、「太完美了」。