亞洲超星團︱被Rain大讚呢樣嘢　丁子朗可以再追夢

偶像選秀節目《亞洲超星團》今晚（2日）播出第2集，當中最大亮點除了有「初印象人氣排名」No.1的奧利登場，還有組合霹靂旋風中的3位香港代表，分別是丁子朗（丁丁）、黃奕斌和區珀豪，他們以白色西裝上陣跳唱Medley《算他敢愛敢做》，超星總製作人韓星Rain大晒廣東話笑言：「好犀利。」Rain又指丁丁面部表情特別好，但4人跳唱水平比較業餘，需再多加練習。丁丁事後透露當年除了面試香港先生外，還曾面試韓國的練習生公司，他說：「我都曾經想做Idol，但係foul咗我冇要我，依家有機會畀我實現出嚟，我梗係參加啦，依家唔追夢，我唔知幾時可以再追夢。」

藝人洪欣的兒子張鎬濂今集亦有登場，高大有型的他與平均身高1米88的練習生組成頂破天花板，五位「高人」齊齊搞笑地大騷逆天長腿，連Rain都被他們迷倒，笑言：「各位都長得特別帥，以致我動了想簽你們的想法。」至於香港代表黃星綽所屬的組合多巴胺，五子以色彩繽紛的服裝上陣，大晒可愛一面，Rain則笑言：「非常活潑，很像Idol的一個舞台。」相當欣賞。