滿十二朝派薑醋　袁偉豪公開「袁咕碌」中文名係...

上月成為新手爸爸嘅藝人袁偉豪，因要趕拍劇集《法證先鋒6 倖存者的救贖》，近期都係香港深圳兩邊走，盡全力照顧老婆同仔仔。心情靚爆嘅佢近日喺社交平台分享咗唔少仔仔嘅相，其中佢仲模仿「袁姑碌」嘅搞怪表情，笑言：「每天只可以靠太太用視訊看看寶寶的日常，可愛的小孩子真的令我忍不住要拼一個圖，係！佢係我個仔，肯定的。」

今日佢又晒出抱住「袁咕碌」嘅相，一臉慈父樣望住囝囝，充滿父愛。原來仔仔已過十二朝，佢同太太張寶兒準備咗薑醋送親友，更首度公開仔仔中文名係「袁晞祐」！