《如懿傳》最美丫鬟自爆曾整形10次　舊照曝光差天共地

內地女星小陳紜因《如懿傳》中飾惢心一角人氣急升，劇接劇拍不停，雖然陳小紜氣質出眾，古裝造型更係相當唯美兼好演技，不過事實上陳小紜並非純天然靚女，過去亦曾坦承為咗令塊臉變細啲，忍痛做過10次臉部整骨，而佢嘅整容前舊照亦於日前喺內地社交網瘋傳。

日前，有網友喺社交網晒出陳小紜嘅舊照做對比，可以見到昔日嘅陳小紜顴骨明顯，下頷骨都較為突出，從正面睇臉型更係成個國字臉，相比如今嘅鵝蛋臉，簡直係差天共地，不過勝在佢嘅整容痕迹唔明顯，亦因此被內地網友稱為係「整容模板」。