徐熙娣孖舒淇親密自拍　大讚對方不愧係亞洲第二美

台灣女星徐熙娣（小S）一向大膽又搞笑，經常都會喺社交網大放笑彈，今日佢晒出同性感女神舒淇嘅自拍，並寫道：「受偉忠哥、小慧姐之邀，榮幸跟全亞洲第二美的實力派巨星吃飯（小慧姐做的菜實在是無敵）她純素顏，依舊美麗，為人隨和可愛！不愧是全亞洲第二美的實力派巨星，第一美是誰？我就低調點了。」

只見相中2人打扮休閒，雖然係素顏上陣都難掩佢哋出眾氣質，對着鏡頭甜笑，相當靚女！靚相一出，網民紛紛留言笑稱：「第一美女當然是小S啦」、「你哪裏是亞洲第一美，你可是全球第一美！不要謙虛了」，亦有人故意引戰：「第一美是林志玲」、「第一美是Lily生母志玲姐姐吧」場面非常搞笑。