鄭嘉穎被問及馬國明即落閘　公然斥「唔好再問」被批小家

藝人鄭嘉穎近日與馬國明屢傳不和，日前他接受無綫娛樂新聞台訪問時，頻頻被問及會否出席馬國明婚禮、事後會否被食飯等問題時，他先表示：「得架啦，我哋有分數」，隨後有電話聲響起，他先問身旁的曹敏莉「邊個電話響」，再拎出手機表示：「真係唔好意思喎」，主持人追問是否馬國明致電，鄭嘉穎即霸氣表示：「佢話叫你唔好再問，叫你夠啦」，再搭住對方指：「多謝關心」，示意對方收口。

影片一出，即被網民指行為小家，又翻炒其昔日「犯眾憎」傳聞，其中林子善曾爆鄭嘉穎當年拍《鐵馬尋橋》時態度極差，在化妝間橫行霸道，曾將他的鞋踢走扮冇事。另有傳鄭嘉穎拍《拳王》擂台戲份時，對手不但要硬食其鐵拳，更要被他粗口問候，同劇演員李家鼎、冼灝英甚至公開投訴他「格衰」。而他曾與佘詩曼傳出緋聞，當時2人被記者跟蹤，有指鄭嘉穎情急之下要阿佘半路落車，事件當時亦惹起熱議。