范冰冰罕談被封殺　深情剖白：能救你的人只有自己

內地女星范冰冰捲逃稅風波後，喺內地嘅演藝事業一直毫無起色，為覓尋新出路嘅佢，早前更借韓國電影打入國際市場，並喺各個國際影展及時裝騷大放異彩。日前，獲邀亮相第34屆新加坡國際電影節嘅佢，更喺座談會上激罕分享自己喺內地被封殺後嘅心路歷程，並直言：「能救你的人只有自己。」

受「陰陽合約」逃稅風波影響，范冰冰被內地點名為「劣迹藝人」無限期封殺，而喺是次座談會上，佢更激罕分享心聲：「我自己後來慢慢走過這段路程，我覺得能救你的人只有你自己，只有你的那束光照在了身上，跟着這個光往前走，你才有可能走出迷霧，否則你永遠在等待別人，這是一件很不現實的事情。」另外，范冰冰亦透露道過程雖然困難，但同時都學咗唔少新事物：「即使會有遺憾、痛苦、脆弱，但我還是得繼續好好生活。」

正所謂「東家唔打打西家」，范冰冰雖然被內地封殺，翻身無望，不過仍然活躍於各大海外電影節及時裝騷，完美咁用行動演繹出「絕處逢生」。