為應付低溫開工　陳曉華儲脂肪禦寒

前港姐冠軍陳曉華（Hera）正於橫店拍攝無綫新劇《巾幗梟雄之懸崖》，雖然拍攝通告頻密，但熱愛攝影的她，一有空檔即四圍搵景影靚相，近日她就於社交網上載一輯全黑打扮新相，就連坐緊張櫈亦是黑色，相當配合，相中的她一臉休閒，一時托腮扮思考，一時撥髮兼單眼，展現另類美感。

Hera留言表示最近買了一支新相機鏡頭，亦拍了不少新相，不過細看之下卻有新發現：「除咗見到我為冬天儲咗啲脂肪之外，好似仲可以喺對眼見到我見到嘅嘢....無錯，眼前就係落地玻璃咋嘛。」大玩爛Gag！不過身形向來纖瘦的她，連肚腩仔亦唔多覺，哪又何來的脂肪?連人妻連詩雅也忍不住留言：「哪裏有脂肪？」Hera則回覆指：「個肚啊!好保暖。」

Hera接受東網訪問時亦笑說：「啲脂肪真係全部都喺個肚度，可能感覺到我好凍啦！雖然冇肥，但有脂肪，橫店真係好凍，最低試過3、4度，不過都習慣無時無刻都喺身上有4、5個暖包同暖水袋。」更指新鏡頭影相很清，加上落地玻璃採光好，故每張拍攝出來效果也很滿意。