趙慧珊請師傅過目追求者 七仙羽突破盲腸:全部唔要!
2023年12月06日 16:54
東網電視
更多新聞短片
![](/hk/bkn/cnt/entertainment/20231206/photo/bkn-20231206165455646-1206_00862_001_01p.jpg?20231206174037)
七仙羽(七師傅)和趙慧珊(Aka)今日(6日)為HOY TV節目《開運秘笈2024》進行錄影,七師傅表示節目組找來的都是靚女嘉賓,她笑指:「唔靚唔要,仲特登搵我嚟襯,冇比較就冇傷害。(仲想請咩嘉賓?)緊係荷里活嘅明星啦,平時見都冇得見,簽名又冇得簽,如果搵佢哋就有機會。」
Aka指自己明年犯太歲,由於要開畫展,所以會請師傅指引, 她說:「好似方位點擺,着咩顏色嘅衫。」問到單身的她不問姻緣?她說:「之前拍節目識咗幾個男仔,我哋都有單獨約會,陣間會畀個樣師傅過目。」
不過七師傅卻大潑她冷水,指她不應在節目中搵對象,七師傅稱:「佢哋都係水深火熱,都會有經濟煩惱,你要搵經濟條件好嘅,如果當中你有一個好鍾意嘅,你使乜要煩呢?證明你都唔係咁鍾意,所以先唔知要邊個,如果對方條件好,你會就好清晰。(介紹筍盤畀Aka?)阿正(李尚正)呀,佢都搵到錢,啱啱拍咗個壯陽廣告,賺咗半層樓,人又風趣。」Aka笑稱:「人哋未必睇到我。」附近的阿正聞言即謂:「今晚OK呀!」