回到未紅時　羅拔柏迪臣自爆窮到冇床瞓

荷里活男星羅拔柏迪臣（Robert Pattinson）憑賣座片系列《吸血新世紀》（Twilight）紅到發紫，之後去年他主演《蝙蝠俠》（Batman）令他事業錦上添花。不過大明星都有失意時，他最近接受《建築文摘》（Architectural Digest）雜誌訪問，於訪問中他自爆曾經歷過「冇床瞓」的日子！

羅拔表示：「曾經有一段時間，我大約6個月嘅唯一家具係一艘充氣艇，佢可以兼作我個梳化、床同餐桌。我十分鍾意呢架艇。」不過他直言由於「瞓艇」太耐而導致背部成日痛！

其實羅拔本身都對設計家具感興趣，自2022年拍攝完《蝙》之後他開始與設計師一同設計家具，其中他們就合力設計首張梳化。張梳化目前於洛杉磯一古董傢私店展出。