陳欣茵極速拍HOY TV節目　出街被認出開心到出Post

藝人陳欣茵自從離開無綫後，轉型做KOL專心經營自己的網絡平台，不但曝光率比以前多了很多，還頻頻接Job，最近她就參與拍攝HOY TV的飲食節目《馬田煮場》。既然曝光率變高，出街亦相對容易被人認出，近日欣茵就在社交平台上傳多張靚相，同時分享愉快的經歷：「近排覺得最開心嘅事，嗰日出街食飯，有觀眾認得我，走過嚟話我真人靚好多，食個飯都咁靚。（暗爽，重點係，佢話我做主持真係好搞笑，仲要問我個friend覺唔覺，其實真係開心過讚我靚好多好多倍，多謝您。」貼文一出，粉絲們紛紛為欣茵打氣，當中亦有不少網民留言評論欣茵照片中的造型，形容頭戴白色頭巾的欣茵似村姑，她即回覆：「係Y2K!」又話：「我站係潮流尖端凡人是不懂的。」