王浩信宣布離巢 陳自瑤同日去做呢樣嘢賀一賀

2023年12月07日 13:01
東網電視
更多新聞短片
視帝王浩信周二(5日)宣布自己同無綫早已完約半年,現時回復自由身,依家只係部頭合約關係。老公離巢,仍然效忠無綫嘅陳自瑤,原來喺王浩信宣布離巢當日,就去咗整蛋糕,仲扮到靚一靚咁入廚,佢留言表示原來係整畀媽媽:「做給媽媽的生日蛋糕🎂♥️可以嗎?🤭」見佢整咗個粉紅色cake,上面有晒王冠、金幣,金光閃閃,陳自瑤仲笑得開懷勁滿意,似乎完全唔受王浩信離巢影響,繼續自己享受生活。尋日(6日)佢又晒出好姊妹聚會照,陳自瑤好姊妹擺心心手勢又嘟嘴,享受與好閨蜜相處時光。