鍾柔美仲有3個月考DSE　夾顧埋聲夢演唱會一頭煙

「聲夢小花」鍾柔美（Yumi）今晚（7日）為慈善晚宴擔任表演嘉賓，她透露已有一段時間未有參與慈善活動，故大感開心。身為應屆DSE考生的她稱還有3個月就開考，會努力準備考試，但同時亦要為聲夢演唱會進行綵排：「演唱會係今個月21日，嗰日亦都係都生日，呢3年見證住大家嘅成長，所以好期待一齊演出。（隊友會唔會喺演唱會畀驚喜你？）我都唔知。」她表示演唱會流程仍在計劃中，稍後就會進行綵排，除獻唱自己的歌曲外，亦預告會有驚喜給觀眾。

同場還有應屆港姐亞軍王怡然和友誼小姐姜依宁，捲入父母騙財風波的王怡然繼續封口，未有接受訪問。早前多位應屆港姐與黎諾懿飯敍，但獨欠被指是「孤獨精」的冠軍莊子璇，有份出席飯局的姜依宁解釋：「係黎諾懿叫我哋一齊食飯，我負責約大家，我有叫Hilary（莊子璇），但佢好忙，佢要忙學業，所以嚟唔到。（唔係刻意排擠佢？）唔關事，因為我哋都畢晒業，但佢仲讀緊書，所以好忙，嚟唔到我哋嘅聚會。」講到聖誕節，她透露會返回家鄕遼寧探望家人。