唐貝詩舞台劇4年後載譽歸來　攻入佛山深圳吸Like

藝人唐貝詩（Lydia）有份演出的舞台劇《死人的手機》相隔4年，載譽歸來，易名為《喂⋯他不在》近日在佛山及深圳重演。Lydia對此大表興奮：「之前因為疫情關係，劇場停晒，所以好耐演過舞台劇，今次重返舞台好開心，好有滿足感。今次亦係我第一次衝出香港演出，佛山大劇院好大，好有空間感，比香港嘅演出場地更大。我個願望係呢個劇可以喺100個城市巡迴演出，哈哈！」她自言相隔4年重演，以為要花一個月時間排練，但最後只花了兩星期，比想像中快：「原來所有嘢都係喺骨子裏，都仲好記得，其他演員好勁，葉童超級勁，佢好幫到我入戲，教咗我好多嘢，仲有導演好懂得啟發演員潛能。」講到今次難得回內地演出，不過，Lydia就未有時間四出食好西：「我唯一係試咗近期好出名嘅茅台咖啡，算係朝聖一下。」