Ivy So黑絲誘惑騷長腿　意外與AV女優撞臉

女團COLLAR成員Ivy So（蘇雅琳）向來都係團隊中嘅顏值擔當，清純可人嘅樣子深受粉絲喜愛，相當識做嘅佢，亦不時會喺社交網派福利冧粉絲，日前，佢晒出兩張性感靚相，只見佢大玩「黑絲誘惑」，穿着白色薄紗短裙擺出誘人甫士，若隱若現騷長腿，相當養眼！

近日有網民喺社交平台發文表示，發現Ivy So同日本女優齋藤亞美里樣貌相似，現年23歲嘅齋藤亞美里2019年加入AV界，一直係以一頭紅髮示人嘅佢，喺近期嘅新作中，以黑髮純情學生妹Look登場，側面與Ivy So相似度極高，引嚟網民熱議。