劉亦菲化身沙漠美人征服中東　激罕晒水着賣大包

內地頂流女星劉亦菲，曾勇闖荷里活拍《功夫之王》及《花木蘭》嘅佢，唔止演技精湛，其獨有嘅空靈氣質更被網友封為「神仙姐姐」。今年正式擔任中東阿布扎比國際旅遊大使嘅佢，日前亦喺社交網晒出多張當地特有嘅文化、景色外，相中嘅劉亦菲更係甫士多多，相當可愛。

只見身穿藍色短Tee襯長牛仔褲嘅劉亦菲，雖然企喺炎熱又荒蕪嘅沙漠度，不過紮住孖辮嘅佢，望落青春洋溢外，更如沙漠中嘅清泉，相當養眼。而劉亦菲另一套嘅裸色長裙，更係猶如翩翩起舞嘅蝴蝶一樣，充滿浪漫唯美嘅氛圍；最後，只見身穿兩截色泳裝嘅劉亦菲，盡晒香肩鎖骨、白滑美背及誘人長腿外，其纖纖小蠻腰更係認真惹人遐想，一系列靚相亦引嚟唔少網友激讚： 「美神降臨，貴氣十足。」、「劉亦菲沙漠隨拍隨性又輕鬆，天仙不愧是盡職盡責阿布扎比代言人。」