鍾嘉欣相隔廿年再執畫筆　大女畫功出眾極具天分

藝人鍾嘉欣最近返港探親，除咗相約好友王君馨敍舊外，日前佢就帶埋仔女到畫室畫畫大晒畫功，佢透露已經20年冇畫畫，今次選擇以最鍾意嘅烏龜作為主題，仲話畫畫嘅時光令佢諗起細女Anika，至於大女Kelly同囝囝Jared同樣以經典卡通寵物小精靈（Pokemon）作畫，其中Kelly畫功出眾，充滿藝術天分，係3人之中畫得最好，唔少網民都建議嘉欣應多加栽培，唔好浪費咗Kelly嘅天賦。