陳欣茵忽然孖神秘男子晒結婚戒指：Attention please！

娛圈近日可謂喜事連連，計剛剛完成婚禮的蔡嘉欣後，藝人馬國明亦即將迎娶靚湯湯洛雯，而小花何依婷同樣於月內與男友拉埋天窗，好事一浪接一浪下，藝人陳欣茵亦突然在社交網晒靚相並發布好消息！她寫道：「Attention please！我手上嘅係結婚戒指！！！OMG！」相中的她左手戴上閃鑽婚戒，其中一張欣茵更將手放在同樣戴上婚戒男士手上，莫非又多一位女神封盤趕做聖誕新娘？

她續寫道：「大家唔好激動！聽埋我講先，我第一次行入婚戒店揀結婚戒指感覺好奇妙，成個過程首先會做一對一諮詢，諮詢師會介紹同解釋有關鑽石同婚戒嘅知識，以客觀專業角度按照二人手型、喜好同日常生活習慣拼出二人專屬婚戒，雖然我暫時未有結婚打算，聽到都有啲心動呀！」原來只是她為婚戒公司拍攝的廣告照，不過她也利申想收戒指，欣茵的男友要識做啦！