可嵐愛女出世！催生順產零止痛半個鐘搞掂

歌手可嵐繼去年秘密誕子後，今日（13日）再喺社交網宣布順產誕B女，並晒出同愛女合照道：「又嚟到呢個熟悉嘅地方啦！累了一個早上，休息了一下午～終於要跟大家宣布：小公主Giselle出世啦！」

只見可嵐喺社交網晒出多張愛女Giselle嘅相，並分享生B過程：「之前一晚凌晨開始規律宮縮，今早接到醫生通知要馬上入院，已開三指，催生順產，今次要求0止痛，連笑氣都唔使。專注係剛剛學咗嘅孕婦瑜伽呼吸法上面，同小公主合作咗個半鐘後就出世啦！母女平安，唔用止痛個人仲精神咗好多㖭！接下來就要準備開始我嘅坐月同餵奶工程上面啦！謝謝各位哥哥姐姐叔叔阿姨嘅祝福。」時隔無耐，又再晒出囡囡嘅4D超聲波檢查相道：「睡公主～最鍾意瞓覺，係好事嚟嘅！妹妹食得瞓得身體好，事實證明4D超聲波檢查係似樣。」