車婉婉入行31年開騷　笑囝囝太貴難請上台表演

藝人車婉婉、伍仲衝以及一眾《中年好聲音》第1，2季參賽者等人今日（14日）為無綫節目《中年好聲音2》進行錄影拍攝，期間眾人更推出蛋糕為車婉婉慶祝本月28號的生日，並祝賀她將於明年一月舉辦首個個人演唱會，令婉婉感動得當眾落淚。

今次演唱會是婉婉入行31年以來首次舉辦的，並邀請了伍仲衝作音樂總監，她透露當晚將會演唱約30首歌，表示會格外珍惜今次演唱會：「雖然好大壓力，但我知道個過程好特別，入行31年先可以開演唱會，所以會好珍惜去擁抱呢個舞台（囝囝上台表演？）請佢好貴㗎，唔知佢可以表演咩，同埋佢成日覺得唱歌係女仔先做。」講到當天的演唱會嘉賓，婉婉表示已經有人選，先賣個關子。