黃紫盈談主播生涯一腳踢　緊急翻譯日文趕出街

無綫台慶劇《新聞女王》掀起全城煲劇潮，前新聞主播黃紫盈之前因身在日本讀書未有機會追劇，但亦有留意相關短片：「有粉絲問過我，直播時係咪有人幫手戴咪及補妝，其實係因情況而異，以前做主播和記者時，多數都係自己照顧自己，不過有需要幫忙時，都會有人幫嘅。」可能因為習慣了一腳踢，自己揾資料、採訪和撰稿，然後與幕後配合，故面前任何工作也覺得好輕鬆。主播生涯中，最難忘兩件事：「第一件係馬尼拉人質事件，當晚我有份當值擔任主播，整個過程令人心寒；第二件係日本311地震，因為大家都以為日本官方會發放英文版本，但點知全部只有日文，當時我擔任主播，好在事前有做多手準備，有驚無險完成。」她說直播間經常會有突發事件，要靠平日裝備好自己，臨場執生應對。

在日本修讀調理師牌照課程的她，早前趁放假去了一趟京都欣賞紅葉，夜晚回酒店浸温泉、做Spa，十分寫意。她指今年日本天氣異常，秋天比較熱，紅葉的轉色進度大受影響，不過她跟着紅葉地圖成功追蹤紅葉，還在社交網直播與粉絲直擊分享。