柯佳嬿量體重被數字嚇親　急晒健康餐單管理身材

台灣女星柯佳嬿因電影《想見你》而爆紅，更憑此劇奪下台灣金鐘視后，擁有超高人氣。身材纖瘦嘅佢，喺圈中出名係骨感美女，佢曾講過自己係屬於食極唔肥嘅體質，但佢嘅體重曾經試過下降到不足40kg（約88磅），令粉絲成日都擔心佢嘅身體狀況。日前佢喺社交網晒出自己嘅健康餐單，並表示最近量體重時，被自己嘅體重嚇親，希望自己可以再肥多2kg，顯得健康少少。