林心如陳喬恩「情敵」合作唔尷尬　自爆霍建華求婚過程

台灣女星林心如同老公霍建華結婚7年，育有愛女小海豚，婚姻幸福又低調。最近林心如於內地綜藝節目《我們的美好生活》中，就同前「情敵」陳喬恩同框，令網友十分吃驚，因為陳喬恩係霍建華前任女友，如今嫁畀細佢9歲嘅馬來西亞富二代藝術家曾偉昌，不時甜蜜放閃，今次二人不避諱同框，真係好罕見！

節目中，林心如就同蔡少芬、鍾楚曦等吹水，蔡少芬就問起霍建華當年求婚過程，林心如七情上面咁表示自己當時一返到屋企，聞到全屋都係𤓓味：「一回家以為家裏瓦斯沒關，有着火的味道，然後朋友們全跑出來，我就知道了。」佢亦提到同霍建華認識10年，不過拍拖半年就決定結婚，仲林心如投訴自己從來都未試過同佢十指緊扣咁行街，睇嚟霍建華要識做啦！