新聞女王︱4大花旦變網紅布景板　真假高Ling驚喜同框

無綫台慶劇《新聞女王》於內地爆紅，日前劇中4位花旦佘詩曼、李施嬅、高海寧（高Ling）及王敏奕到內地宣傳，其中有位內地男子一口氣同晒4位靚女合照，不但企正C位，仲因1米9身高及高顏值而搶鏡，令佘詩曼等人由主角慘變布景板。合照一出即時登上熱搜，其實該男子都大有來頭，原來佢係25歲內地網紅朱傲宇，於民航大學中歐航空工程師學院飛行器動力工程專業碩士畢業，曾參加2020年參加節目《最強大腦》，因表演出色獲封「中國最強大腦」，內外俱備，難怪4位花旦唔介意齊齊企側邊襯托。

與此同時，高Ling劇中造型掀起模仿潮，內地網紅李璐爾神還原引起關注，而當日活動李璐爾都有現身，真、假高Ling終於同框，2人仲一同拍片重演劇中經典動作，擺出一模一樣的姿勢，但就被笑指完全被比下去，本尊高海寧輕鬆完勝山寨版。