何依婷升呢人妻性感大解放　峇里五星級酒店行禮最貴1晚過萬蚊

無綫小花何依婷與圈外男友於峇里舉行婚禮，今日（18日）終於大晒甜蜜婚照，閃爆網民！其實連日嚟有份參加佢婚禮嘅好友，都有喺社交網大晒當地入住酒店嘅相，睇到佢哋入住嘅房間1晚價錢，由幾千蚊同萬幾蚊不等，認真豪華！由於佢呢次只係搞小型婚禮，只係邀請部分親朋好友參加，有份出席的賓客，包括有無綫高層攜同兩個仔Adrian及Ryan，藝人鄭衍峰、馬俊傑同陳懿德等，而佢嘅好姊姊蔡嘉欣、陳詩欣、鍾晴同名模譚嘉儀都有到當地，為佢嘅人生大事作見證。

據知呢次佢哋一行人入住位於峇里努沙杜瓦嘅五星級酒店，一對新人並於酒店內舉行豪華婚禮，早前曾拍片介紹房間嘅鄭衍峰同馬俊傑，住喺精緻套房，1晚價錢約4千蚊，而酒店最貴嘅別墅套房，喺旺季要過萬一晚，真係花費不菲呀！

而新婚何依婷晒完婚照之後，再嚟個性感大解放，喺社交網大晒身穿粉紅色泳衣嘅靚相派福利，留言：「Time to have some fun！」